Dez anos despois da tráxica morte do seu marido, Dores Ayala, propietaria dun vello estudo fotográfico que se quedou sen clientes, recibe o encargo máis insólito de toda a súa carreira: retratar a un defunto o día do seu enterro. Aceptalo levaraa a coñecer a Clemente Artés, un excéntrico ancián obsesionado con recuperar por todos os medios a antiga tradición de fotografar aos mortos. Da súa man, Dores penetrarase nesa práctica esquecida, experimentará o tempo lento do daguerrotipo e aprenderá que as imaxes son necesarias para lembrar a quen xa non están, pero tamén descubrirá que algunhas delas gardan segredos escuros que xamais deberían ser revelados e, sobre todo, que hai mortos inquietos que non cesan de moverse e ás veces abalánzanse sobre a memoria dos vivos.