Os yetis foron inxustamente expulsados polos bigfoots da súa humilde casa da árbore e depende unicamente de Jo, April, Mal, Molly e Ripley devolvelos ao seu fogar. Pero, como o farán? Pois para variar, dunha forma curiosa: desafiando aos bigfoots a unha carreira de roller derby, o deporte de contacto máis superflipante! Unha vez resolvido ese problemiña, deben enfrontarse á súa experiencia máis desgarradora ata a data: as súas familias. Nin as deidades encabuxadas nin os labirintos de lume nin as trampas máis retortas deran tanta guerra ás nosas queridas Leñadoras nas súas trepidantes misións, e esta vez é importante evitar que se descubran os seus poderes sobrenaturais. Serán capaces?

5º-6º Primaria

1º-2º ESO