As bibliotecas e as librerías -reais ou de ficción, percorridas ou lidas- son escenarios fundamentais da nosa educación sentimental e intelectual. Neste libro de crónicas que ensaian e de ensaios narrativos, Jorge Carrión viaxa ás innovadoras bibliotecas e librerías de Seúl; investiga en Nápoles e en Capri a historia da mítica casa de Curzio Malaparte; entrevista a libreiros e a escritores de Miami; conversa sobre libros e cidades con Alberto Manguel, Iain Sinclair, Luigi Amase ou Han Kang; interpreta as bibliotecas de Don Quixote e do Capitán Nemo, e rende homenaxe a algunhas das librerías e das bibliotecas máis fascinantes do mundo -e da súa propia vida. Mentres Amazon segue conquistando espazos físicos e virtuais, o autor defende a figura do libreiro e a librería de autor, á vez que nos convida a viaxar e -sobre todo- a ler con espírito crítico.